Asosiy ko`rsatkichlar

O‘zbekiston Respublikasi Prezidentining 2006 yil 5 maydagi “Mikrokreditbank aksiyadorlik-tijorat bankini tashkil etish to‘g‘risida”gi PF-3750-sonli Farmoni ijrosi yuzasidan bankimiz tashkil etilib, kichik biznes sub’ektlarining ishlab chiqarish faoliyatini mustahkamlash va kengaytirishga mikrokreditlar berish, oilaviy biznesni rivojlantirish va qo‘llab-quvvatlash hisobiga tadbirkorlik sohasini kengayishiga ko‘maklashish, xalqaro moliya institutlarining imtiyozli kreditlari, investitsiya va grantlarini jalb etish, qishloq joylarida, kichik biznes sub’ektlariga keng ko‘lamdagi moliyaviy xizmatlarni ko‘rsatishni rivojlantirish maqsadida ishlar olib borildi.  

II. 2017 yilda Kreditlash tizimi bo‘yicha rejalashtirilgan prognoz ko‘rsatkichlar.
2017 yilning 1-choragi davomida:
- Kichik biznes sub’ektlariga 278,9 mlrd. so‘m miqdorida kredit ajratildi (o‘sish 28.4 foiz, 2016 yilning 1-choragida 217,3 mlrd. so‘m);
- Ajratilgan kreditlar xisobiga 12 107 ta ishchi o‘rni yaratildi (o‘sish 17 foiz, 2016 yilning birinchi choragida 10 371 ta);
- Ko‘rsatilgan mikromoliyaviy xizmatlar xajmi 84,2 mlrd. so‘m (o‘sish 27,3 foiz, 2016 yilning birinchi choragida 66,0 mlrd. so‘m);
- Oilaviy tadbirkorlik va hunarmandchilik sub’ektlariga 13,3 mlrd. so‘m kredit ajratildi (o‘sish 25 foiz, 2016 yilning birinchi horagida 10,6 mlrd. so‘m);
- Kollej bitiruvchilariga 24,6 mlrd. so‘m miqdoridagi mikromoliyaviy xizmatlar ko‘rsatldi (o‘sish 87 foiz, 2016 yilning birinchi choragida 13,1 mlrd. so‘m);
- Ayollar tadbirkorlikni qo‘llab-quvvatlashga 39,7 mlrd. so‘m kredit ajratildi (o‘sish 30 foiz, 2016 yilning birinchi choragida 30,6 mlrd. so‘m);
- Eksport qiluvchi korxonalarni qo‘llab-quvvatlash, modernizatsiyalash va texnik, texnologik jihatdan qayta jihozlash, investitsion loyihalarni moliyalashtirishga 65,9 mlrd. so‘m (o‘sish 14 foiz, 2016 yilning birinchi choragida 57,8 mlrd. so‘m);
- Xizmat ko‘rsatish va servis sohasini rivojlantirish uchun 44,4 mlrd. so‘mlik kreditlar ajratildi (o‘sish 30 foiz, 2016 yilning birinchi choragida 34,1 mlrd. so‘m);
- Yosh oilalarga ipoteka, iste’mol va mikrokreditlar 9.9 mlrd. so‘m ajratildi (o‘sish 12 foiz, 2016 yilning birinchi choragida 8,8 mlrd. so‘m);
- Nooziq-ovqat iste’mol tovarlariga 32.9 mlrd. so‘m kredit ajratildi (o‘sish 24 foiz, 2016 yilning birinchi choragida 26,9 mlrd. so‘m);
- Oziq-ovqat tovarlari ishlab chiqarishga 39.9 mlrd. so‘m ajratildi (o‘sish 25 foiz, 2016 yilning birinchi choragida 31,9 mlrd. so‘m);
- Hududlarni ijtimoiy-iqtisodiy rivojlantirish dasturlari bo‘yicha 56,3 mlrd. so‘mlik 368 ta loyihalar moliyalashtirildi, 2 810 tadan ziyod ish o‘rinlari yaratildi. (2016 yilning birinchi choragida 24,0 mlrd. so‘mlik 341 ta loyiha) ;
- Bank va Qishloq xujaligini rivojlantirish fondi (AYFAD) "O‘zbekiston Respublikasida chorvachilik sektorini rivojlantirish" loyihasi bilan 3,3 mln. AQSh dollari miqdoridagi kredit liniyasi imzolandi. Qashqadaryo va Jizzax viloyatlarida ushbu liniya xisobidan 500 ming AQSh dollarilik loyihalar moliyalashtirishni tashkil etish rejalashtirilgan.

III. O‘zbekiston Respublikasi Prezidentining saylovoldi dasturlari.
O‘zbekiston Respublikasi Prezidentining saylovoldi dasturlarida bank tomonidan jami 7 ta viloyatda (Jizzax, Qashqadaryo, Navoiy, Samarqand, Sirdaryo, Surxondaryo, Toshkent viloyatlari) umumiy qiymati 55,9 mlrd. so‘mlik (shundan o‘z mablag‘i – 37.9 mlrd.so‘m va bank krediti – 18,0 mlrd. so‘mlik) bo‘lgan 15 ta loyihani amalga oshirish belgilab olindi.
Dasturdagi 10 ta loyiha bo‘yicha kredit liniyalari ochildi va 6,0 mlrd. so‘mlik kredit mablag‘lari ajratildi. Shundan 8 ta loyiha ishga tushirildi. Qolgan loyihalar ham belgilangan muddatlarda to‘liq moliyalashtirilib, 2-chorakda 2 ta loyiha va 3-chorakda 3 ta loyiha to‘liq ishga tushuriladi.
Ushbu loyihalar quyidagi tarmoqlarga to‘g‘ri keladi:
1. Farmatsevtika sanoatida 2,1 mlrd. so‘m;
2. Qishloq xo‘jaligi maxsulotlari yetishtirish va oziq-ovqat sanoati sohasida 45,1 mlrd. so‘m;
3. Qurilish maxsulotlari ishlab chiqarish sohasida 1,6 mlrd. so‘m;
4. Savdo va xizmat ko‘rsatish sohasida 1,1 mlrd. so‘m;
5. Sanoat sohasida 6,1 mlrd. so‘m (Sirdaryo viloyati Yangiyer shahri sanoat zonasida 10 ta yangi korxonaga kredit mablag‘lari ajratiladi).
IV. Aholini tadbirkorlik faoliyatiga jalb qilish.
Muhtaram Prizidentimizning topshirig‘iga muvofiq, aholiga mikrokreditlar ajratish orqali bankimizning 85 ta filiali tomonidan 428 ta aholi punktlarida istiqomat qilayotgan 706 ming 700 ta xonadon egalarini tadbirkorlikka jalb kilish bo‘yicha keng ko‘lamli ishlar olib borilmoqda.
Birinchidan, barcha hududlardan 230 dan ortiq bank mutaxassislarini dekabr oyida Toshkentga chaqirilib, Vazirlar Mahkamasi va Markaziy bank boshchiligida ikki kunlik o‘qish va seminar tashkil qilindi va aholiga mikrokreditlar berishni samarali tashkil qilish yuzasidan to‘liq ko‘rsatmalar berildi, hamda bank tomonidan “Aholini tadbirkorlikka jalb qilish” loyihasini amalga oshirish bo‘yicha tartib ishlab chiqildi. Ushbu tartibda yuridik shaxs maqomini olmasdan turib amalga oshiriladigan tadbirkorlik faoliyatiga ajratiladigan mikrokreditlar hamda shaxsiy tomorqa xo‘jaligidan samarali foydalanishni tashkil etish uchun qishloq xo‘jaligi mahsulotlari yetishtirish bilan bog‘liq xarajatlarni moliyalashtirishga, ixcham issiqxonalar tashkil etish, chorvachilik, parrandachilik, quyonchilik, asalarichilik, baliqchilik, urug‘lik, mineral o‘g‘itlar va o‘simliklarni kimyoviy ximoya qilish, mevali daraxt ko‘chatlari, xizmat ko‘rsatish hamda tomorqaga ishlov berish, dukkakli ekinlarni qayta ishlash, sutni qayta ishlash uchun minitexnologik uskunalar sotib olish, uy sharoitida, shu jumladan, ko‘p qavatli uylarda amalga oshirish imkoni mavjud bo‘lgan faoliyat turlari uchun, shuningdek, aholining tikuvchilik, hunarmandchilik faoliyatini rivojlantirish maqsadlariga mikrokreditlar berilishi belgilib qo‘yildi.
Ikkinchidan, bank respublika apparatida 7 ta, viloyat filiallarida 4 tadan, tuman filiallarida 3 tadan xodimdan iborat maxsus bo‘lim va shu’balar ochildi va aholi punktlariga 868 nafar bank xodimlari biriktirildi. Bugungi kunga qadar 687 mingta xonadon egalari bilan suhbat o‘tkazilganda, ularning 58,6 mingtasi yoki 8 foizi tadbirkorlik faoliyati bilan shug‘ullanish istagini bildirdi. Bank tomonidan tadbikorlik qilish taklifi bilan biriktirilgan barcha xonadonlarga ya’ni 706 ming xonadonga xatlar yuborildi.
O‘tgan 3 oy davomida bank tomonidan o‘z tadbirkorligini amalga oshirishda kredit mablag‘lariga ehtiyoji mavjud bo‘lgan 20 053 ta fuqaroga 127,6 mlrd. so‘m miqdorida kreditlar ajratilib, jami 20 053 ta yangi ish o‘rinlari tashkil etildi. Shuningdek, 1659 ta kam ta’minlangan oilalarga 5 756 mln. so‘m kreditlar ajratilib, 1659 ta yangi ish o‘rinlari yaratildi.  Sohalar bo‘yicha tahlil qilinganda ushbu ajratilgan kreditlarning 84 foizi chorvachilikni rivojlantirish yo‘nalishiga, 4 foizi parrandachilikni rivojlantirishga, 6 foizi ixcham issiqxonalar tashkil etish uchun, 2 foizi sabzavotchilikni rivojlantirish maqsadida ko‘chatlar sotib olish hamda qolgan 3 foizi boshqa maqsadlar uchun ajratilgan.
Uchinchidan, xodimlarimiz aholi xonadonlariga kirganda, xonadon imkoniyatlarini o‘rganib, tadbikorlik bo‘yicha tayyor biznes-rejalarni tushuntirib, tadbirkorlikning aniq yo‘nalishlari bo‘yicha ko‘rsatma va qo‘llanmalar bermoqda.
Jumladan, ilgari tajribasi bo‘lmagan, quyon boqish istagini bildirgan xonadonlarga quyonlarni tayyor kletkasi, ozuqasi, boqish bo‘yicha qo‘llanmalar tarqatmoqdamiz, shuningdek 1-2 sotixlik tayyor holdagi ixcham issiqxonalar tayyorlab berilmoqda.
Misol uchun, o‘rtacha 4 mln. so‘m miqdoridagi kredit hisobiga kletkasi bilan birga 10 ta (9 ta ona quyon 1 ta erkak) quyon va quyonlar uchun 1 yilga yetadigan ozuqa tarqatilmoqda (10 ta quyon 1,5 mln. so‘m, kletka-1,5 mln. so‘m, ozuqa -1,0 mln. so‘m) va quyonni boqish uchun tegishli ko‘rsatma berilmoqda.
Bugungi kunda jami 165 ta xonadonga 1 665 mln. so‘m kredit evaziga 1 ming 610 ta bosh quyon tarqatildi.
Joriy yilda axoli xonadonlarida quyon yetishtirishni kasanachilik asosida rivojlantirish uchun respublikaning har bir xududiga 500 tadan xonadonga jami 6 000 ta xonadonga tarqatish rejalashtirilgan va bu maqsadga 24 mlrd. so‘m miqdorida imtiyozli kredit mablag‘lari ajratiladi hamda 60 ming bosh ona quyonlarni kletkalari bilan tarqatish imkoniga ega bo‘ladi. Natijada quyon bosh soni 525 mingga yetadi, 1050 tonna quyon go‘shti yetishtiriladi hamda 6 000 ta xonadonni qo‘shimcha daromad olishi ta’minlanadi.
To‘rtinchidan, agar xonadonlar qoramol, parranda, qo‘y quyon yoki ko‘chat olmoqchi bo‘lsa, ularga bank tomonidan hamkorlik yo‘lga qo‘yilgan agrofirma yoki fermerlardan olish tavsiya qilinmoqda.
Bugungi kunda respublika bo‘yicha jami 23 ta quyonchilik agrofirmasi, 82 ta chorvachilik va 64 ta parrandachilik bilan shug‘ullanuvchi xo‘jaliklar bilan xamkorlik yo‘lga qo‘yildi. Masalan, Jondor tumanida parranda tarqatish uchun “Jondor chinor chorva” parrandachilik fermasi bilan, Sirdaryo tumanida chorva mollari yetkazish uchun “Binokor chorva mollari” MChJ bilan, Qo‘qon xududida mevali daraxt ko‘chatlari yetkazib berish bo‘yicha “Qodirxon Raximov bog‘i” fermer xo‘jaligi bilan, Uchko‘prik tumanida aholiga parranda tarqatish uchun “Ortoped EII” fermer xo‘jaligi bilan xamkorlik yo‘lga qo‘yildi.
Beshinchidan, bankimiz xodimlari mahalla qo‘mitasining o‘zida yoki xonadonda kredit hujjatlarini rasmiylashtirishda yordam bermoqdalar. Har bir mahalla qo‘mitasida bank xodimlaridan iborat maxsus shtab tashkil qilingan.
Oltinchidan, kredit ajratish sur’atini va ish samaradorligini yanada oshirish hamda kreditlash jarayonlarini soddalashtirish maqsadida:
- Aholini tadbirkorlikka jalb qilish bo‘yicha kreditlar ajratish vakolati hududiy filiallarga berildi;
- Eng kam oylik ish xaqining 50 barobarigacha (7,4 mln. so‘m) miqdorda ajratiladigan kreditlar jismoniy shaxs kafilligi yoki mahalla qo‘mitasining kafilligi asosida ajratilmoqda.
Yettinchidan, bank Boshqaruvi tomonidan baholash, amalga oshirilgan ishlarni o‘rganib chiqqan holda, reyting tizimini joriy qilish, mas’ul xodimlarni rag‘batlantirish hamda vazifasiga mas’uliyatsizlik bilan yondoshgan xodimlarga nisbatan qonunchilikda belgilangan tartibda intizomiy jazo choralari ko‘rish tizimi ishlab chiqildi. Bevosita aholi xonadonlarida yurib, mikrokredit ajratish bilan shug‘ullanayotgan kredit xodimlarga 30 foizgacha qo‘shimcha ustama belgilandi. Shuningdek, belgilangan topshiriqlarni bajarishda sustkashlikka yo‘l qo‘ygan 39 ta xodimga nisbatan intizomiy jazo choralari ko‘rildi va vazifasiga mas’uliyatsizlik bilan yondoshgan 1 ta filial boshqaruvchisi lavozimidan ozod etildi.
Sakkizinchidan, ommaviy axborot vositalarida aholini tadbirkorlikka jalb qilish yuzasidan targ‘ibot va tashviqot ishlarini kuchaytirish maqsadida “Navruz”, “Oriyat dono” radiolarida reklamalar berilib, gazeta, internet saytlarida kunlik yoritilmoqda va televideniyeda videorolik berilmoqda. Respublikaning barcha hududlarida seminarlar tashkil etilib, keng qamrovli tushuntirish ishlari olib borilmoqda.
Yurtboshimiz tomonidan belgilab berilgan topshiriqlar ijrosini ta’minlash maqsadida 140 mingta xonadonlar tadbirkorlik faoliyatini yo‘lga qo‘yishlari uchun 570 mlrd. so‘mdan ortiq imtiyozli kredit ajratishni mo‘ljalladik.
Prezidentimiz Qarorlariga muvofiq ushbu maqsadlar uchun Mikrokreditbankning ustav kapitali 100 mlrd. so‘mga oshiriladi. Qolgan resurslarni depozitlar miqdorini ko‘paytirish hamda avval berilgan kreditlarni qaytarish hisobiga ta’minlaymiz.
Bu yo‘nalishda “Maqsadimiz har bir oila tadbirkor bo‘lsin” shiori bilan harakat qilishdan iborat. Mikrokreditbank tomonidan Hukumat topshiriqlarini ijro etilishi qatiy nazoratga olindi.
V.Quyonchilik sohasini rivojlantirish.
Hukumatimiz tomonidan belgilangan topshiriqlar ijrosini ta’minlash maqsadida quyonchilik sohasini rivojlantirish bo‘yicha ATB “Mikrokreditbank” hamda “O‘zbekinvest” sug‘urta kompaniyasi bilan birgalikda 2016 yil davomida Qoraqalpog‘iston Respublikasi va barcha viloyatlarda bittadan jami 14 ta quyonchilik agrofirmalarini tashkil etildi.
Tashkil etilgan agrofirmalarga quyonchilik sohasini rivojlantirish maqsadida jami 11,4 mlrd so‘mlik kreditlar ajratildi va ushbu mablag‘lar hisobiga Italiya va Ispaniya davlatlaridan “Yangi zellandiya” (1500 ta) va “Domashnыy krolik” (400 ta) zotli quyonlar olib kelindi.
Olib kelingan quyonlarni rejaga asosan har bir viloyatda tashkil qilingan agrofirmalarga 114 (4 ta erkak va 110 ta urg‘ochi) boshdan tarqatildi. Bugungi kunda chetdan olib kelingan quyonlar soni 15 ming 232 boshdan (agrofirmalarda saqlanayotgan quyonlar soni 9 ming 638 bosh, aholi xonadonlarida 5 ming 594 bosh) oshganligini ma’lumot sifatida aytish mumkin.
2016 yilning birinchi choragida quyonchilikni rivojlantirish maqsadida 14 agrofirma tashkil qilinib, ularga 5,7 mlrd.so‘m miqdorida kredit ajratildi. Ushbu agrofirmalarda boqilayotgan quyonlar soni 9 ming 116 boshni tashkil etadi.
Aholi xonadonlarida kasanachilik asosida quyonchilikni rivojlantirish uchun 273 ta xonadonga jami 1351,0 mln. so‘m kredit ajratildi va xonadonlarga boqish uchun 3 ming 952 bosh quyon tarqatildi. Bugungi kunda quyonlar bosh soni 5 ming 594 boshni tashkil etadi.
Sohani rivojlantirish rejasini davomi sifatida, 2017 yilda har bir viloyatda qushimcha o‘rtacha 3-4 tadan, jami 41 ta quyonchilikka ihtisoslashgan agrofirmalar tashkil qilindi va ularni rivojlantirish maqsadida 39,0 mlrd.so‘m miqdorida kredit ajratish bo‘yicha dastur tasdiqlandi.
Ushbu ajratilayotgan kreditlar qo‘yidagi maqsadlarga yo‘naltiriladi:
• binolarini ta’mirlash va qurilish ishlariga 13,0 mlrd.so‘m;
• quyon uyalari (kletka) olib kelish va o‘rnatishga 3,9 mlrd.so‘m;
• quyon (mahaliy va chetdan olinadi) uchun 2,6 mlrd.so‘m;
• quyon oziqasi uchun 3,3 mln.so‘m, so‘m;
• quyon ozuqa yetishtirish uchun ekin maydonini tayyorlash va boshqalarga 1,7 mlrd.so‘m;
• quyonlarni so‘yish (uboynya) uskunasi 0,7 mlrd.so‘m;
• muzlatgich (saqlash) uskunalariga 2,6 mlrd.so‘m;
• gushtni qayta ishlash va qadoqlash uskunalariga 3,9 mlrd.so‘m;
• quyon terisini qayta ishlash uskunasiga 2,6 mlrd.so‘m;
• aholi xonadaonlariga quyon yetkazib berish uchun (xar bir viloyatda 165 xonadonga 30 boshdan 6,5 mln.so‘m kredit hisobiga) 1,1 mlrd.so‘m;
• boshqa xarajatlarga 3,6 mlrd. so‘m.
2017 yilda tashkil qilingan 41 ta agrofirmalarning 17 tasiga, binolarni ta’mirlash, quyonlar uchun kletkalar sotib olish, zotdor quyonlar sotib olish hamda quyonlar uchun ozuqa ishlab chiqarish uskunalari sotib olib o‘rnatish maqsadida 3,2 mlrd.so‘m miqdorida kredit mablag‘lari ajratildi. Qolgan 22 ta agrofirmalarga kredit hujjatlari rasmiylashtirilmoqda.
Bundan tashqari 2017 yil uchun tasdiqlangan dasturdan tashqari 26 ta quyonchilik sohasi rivojlantirish istagini bildirgan tashabbuskor aniqlanib, ularga quyonchilik sohasini rivojlantirish maqsadida 1150 mln.so‘m kredit ajratildi va 523 bosh quyon tarqatildi.
Nasilli quyonlarni chet eldan olib kelish va ularni mamlakadimizda ko‘paytirish maqsadida, Belarusiyaning “EkoFol” kompaniyasi bilan 1020 bosh (1000 bosh ona, 20 bosh erkak) “Xiplyus” zotli quyonlarni olib kelish bo‘yicha shartnoma imzolandi. Rossiyaning “Lidan” kompaniyasi bilan 22 ming quyon boqishga mo‘ljallangan zamonaviy, avtomatlashgan kletkalarni olib kelish borasida kelishuvga erishildi va shartnoma imzolandi. Shuningdek, Qashqadaryo viloyatida quyonchilikni rivojlantirish loyihalari bo‘yicha Qamashi, G‘uzor, Yakkabog‘, Qarshi va Nishon tumanlarida quyonchilik agrofirmalarini tashkil etishni nazarda tutadi.
Jumladan Qamashi tumanida 30 ming bosh quyonga mo‘ljallangan agrofirma tashkil etilib, unda quyonlarni zamonaviy usulda so‘yish, tozalash, qadoqlash hamda quyon mo‘ynasini qayta ishlashni nazarda tutadi.
Jami loyiha summasi 6 mlrd. so‘mni tashkil etadi. Jumladan, Binolarni qurish va ta’mirlashga 3,4 mlrd.so‘m, Italiyadan 2000 bosh “Yangi Zelandiya” zotli quyonlarni sotib olishga 432,0 mln.so‘m, Xitoydan quyonlarni so‘yish, qadoqlash, ozuqa tayyorlash uskunalari sotib olish 1000,0 mln. so‘m, Muzlatgichga 800,0 mln. so‘m va Xitoydan quyon mo‘ynasini qayta ishlash uskunasini sotib olishga 500,0 mln.so‘m mablag‘ sarflanadi.
Qamashi tumanida tashkil etilgan “Qamashi momiq quyonlari” agrofirmasiga tuman hokimining 2017 yil 6 martdagi X-222/3-sonli qarori bilan quyon boqish binosini qurish uchun 1,5 gektar yer uchastkasini doimiy muddatga hamda ozuqa yetishtirish uchun Balandchayla MFY hududidan 130,7 gektar yer maydoni 42 yil muddatga ijaraga ajratilgan. Bundan tashqari, tuman hokimining 18.03.2017 yildagi X-290/3 sonli qaroriga asosan qo‘shimcha Qamay QFY xududidan 149,8 gektar yer maydoni ajratildi. Agrofirmaning umumiy yer maydoni 280,5 gektarni tashkil etadi.
Ajratilgan “nol” qiymatdagi binoni (31.01.2017yildagi № 8878 sonli order) t’mirlash ishlari boshlandi. Xozirda binoning bir qismi qayta ta’mirlanib, 110 mln.so‘mlik qurilish ishlari amalga oshirildi va 130 dona quyon olib kelinib boqilmoqda.
Qo‘shimcha binolarni qurish bo‘yicha smeta hujjatlari tayyorlanmoqda.
Joriy yilning 11 aprel holatiga 650 mln.so‘mga kredit hujjatlari rasmiylashtirilib 464,8 mln.so‘m kredit ajratildi. Bundan tashqari, 2017 yilda aholi xonadonlarida quyonchilikni kasanachilik asosida rivojlantirish maqsadida Qoraqalpog‘iston Respublikasi va viloyatlarda 500 tadan xonadonlarga, har bir xonadonga 3 mln.so‘m miqdoridagi kredit hisobiga kletkasi bilan birga 10 ta (9 ta ona quyon va 1 ta erkak) quyon va quyonlar uchun 1 yilga yetadigan ozuqasi tarqatiladi. Buning natijasida Mikrokreditbank tomonidan Respublika bo‘yicha aholi xonadonlariga 19 mlrd 500 mln.so‘m miqdorida kredit mablag‘lari ajratiladi va 65000 bosh ona quyon kletkalari bilan birga tarqatish imkoniga ega bo‘ladi.
Yuqoridagi barcha loyihalarni amalga oshirish natijasida joriy yil yakunida quyonlar bosh soni 365 mingga yetadi, 1050 tonna quyon go‘shti yetishtiriladi, 231 ta yangi ish o‘rinlari yaratiladi hamda Respublika bo‘yicha 6500 ta xonadon o‘zini o‘zi go‘sht bilan ta’minlaydi va bundan tashqari daromad olishi ham ta’minlanadi.
VI Jismoniy va yuridik shaxslarning murojaatlari.
O‘zbekiston Respublikasi Bosh vazirining virtual qabulxonasidan kelib tushadigan murojaatlar bilan ishlash tizimi uchun bankning Markaziy apparati va xududiy filiallarida Ishchi guruhlari tashkil etildi. O‘zbekiston Respublikasi Prezidenti (Bosh vaziri)ning virtual qabulxonasi tashkil etilganidan joriy yil 1 apreliga qadar, ushbu virtual qabulxona orqali fuqarolardan Mikrokreditbank tizimiga oid jami 1740 ta murojaat kelib tushgan bo‘lib, shundan 1374 tasi jismoniy shaxslardan, 366 tasi yuridik shaxslardan kelib tushgan murojaatlarga to‘g‘ri keladi.
Bank Boshqaruvi Raisi va o‘rinbosarlari tomonidan shaxsiy va sayyor qabul vaqtlari belgilanib, fuqarolar qabuli tashkil etilgan. Jumladan, bank Boshqaruvi Raisi tomonidan 2017 yilning 1 choragida 19 ta jismoniy shaxslar va yuridik shaxslarning vakillari shaxsan qabul qilinib, ularning murojaatlari qanoatlantirilgan. Shuningdek, bank rahbariyati tomonidan hududlarda 12 ta sayyor qabullar tashkil etilib, mijozlarning bankka tegishli muammolarini hal etish yuzasidan o‘z vaqtida zaruriy ko‘rildi.
Hududiy filiallar rahbarlari bilan birgalikda jismoniy va yuridik shaxslarning murojaatlari bilan ishlash tizimini yanada yaxshilash maqsadida mahalla, qishloq fuqarolari yig‘inlari, hokimiyat vakillari, yoshlar va kollej bitiruvchilari ishtirokida jismoniy va yuridik shaxslar vakillari bilan uchrashuvlar o‘tkazilib, ular tomonidan ko‘tarilgan barcha masalalar va mavjud muammolar o‘z yechimini topdi.
Bundan tashqari, bank Markaziy apparati va hududiy filiallarida Bank Boshqaruvining maxsus buyrug‘iga asosan Ishchi guruhlari tashkil etilib, mas’ullar belgilandi. Shu bilan birga, hududiy va tuman filiallarida fuqarolar qabulxonalari tashkil etilgan bo‘lib, viloyat filiali boshlig‘i va tuman filiallari boshqaruvchilari tomonidan fuqarolarni har kuni 08.00 dan 11.00 ga qadar, ularning o‘rinbosarlari tomonidan esa har kuni 08.00 dan 16.00 ga qadar shaxsiy qabul qilish borasida muayyan ishlar amalga oshirilmoqda.
VII. Pul muomalasini mustahkamlash, aholi bo‘sh pul mablag‘larini bank depozitlariga jalb qilish, birinchi darajali ijtimoiy to‘lovlarni o‘z vaqtida to‘lanishini ta’minlash va plastik kartochkalar orqali hisob-kitoblar xajmini yanada oshirish.
Hisobot davrida filiallarda xizmat ko‘rsatilayotgan barcha xo‘jalik yurituvchi sub’ektlar xodimlarining ish haqi va unga tenglashtirilgan to‘lovlari to‘liq “Ish haqi loyiha”si dasturi asosida plastik kartochkalar orqali to‘lanishi yo‘lga qo‘yildi va bank bo‘yicha ish haqini plastik kartochkalarga o‘tkazish xajmi 80 foizga yetkazildi. Ijtimoiy to‘lovlarni jismoniy shaxslarni arizasi asosida plastik kartochkalar orqali to‘lanishini yanada kengaytirish yuzasidan olib borilgan ishlar natijasida bir oylik to‘lov talabini 77 foizi plastik kartochkalar orqali to‘lanishiga erishildi.
2017 yil 1 aprel holatiga muomalaga chiqarilgan plastik kartochkalar soni yil boshiga nisbatan 16 ming taga ko‘payib, 1 mln 259 ming.tani tashkil qilib, “Ish haqi loyiha”si dasturi bo‘yicha yo‘naltirilgan plastik kartochkalar soni 1 mln 121 ming.tani tashkil etmoqda, mijozlarga o‘rnatilgan to‘lov terminallari soni yil boshiga nisbatan 143 taga ko‘payib 14 ming 485 tani tashkil etdi.
2017 yil I chorak davomida bank bo‘yicha tushgan jami pul tushumlari miqdori 1 024,0 mlrd. so‘mni tashkil etib, o‘tgan yilning shu davriga nisbatan 235,0 mlrd.so‘mga yoki 30,0 foizga oshdi, to‘lov terminallari orqali tushumlar 232,2 mlrd.so‘mga yoki 40,0 foizga ortib, 799,6 mlrd.so‘mni tashkil etdi.
Shundan, savdo tushumlari 109,7 mlrd.so‘m bo‘lib, o‘tgan yilning mos davriga nisbatan 4,4 mlrd.so‘mga yoki 4,0 foizga, kommunal to‘lovlardan tushgan tushumlar 11,3 mlrd.so‘mga to‘g‘ri kelib, o‘tgan yilning shu davriga nisbatan 4,2 mlrd.so‘mga yoki 57,0 foizga ko‘paydi.
Joriy yilning 1 aprel holatiga aholining kommunal to‘lovlaridan bo‘lgan qarzdorliklarini yanada qisqartirish maqsadida kommunal va boshqa to‘lovlar qabul qiladigan 111 ta maxsus kassalar faoliyat yuritmoqda, shundan, 26 tasi hududlardagi dehqon, buyum va boshqa ixtisoslashtirilgan bozorlar hududida joylashtirilgan. Ular tomonidan hisobot davrida bank kassalariga 65,5 mlrd. so‘mlik naqd pul mablag‘lari qabul qilindi.
Shuningdek, kommunal to‘lovlarini o‘z vaqtida to‘lanishini ta’minlash, aholiga qo‘shimcha qulayliklar yaratish maqsadida bankning Amaliyot boshqarmasida “Damas” avtomashinasi asosida 1 ta sayyor kassa tashkil qilinib, uning tomonidan I-chorak davomida 151,7 mln. so‘m to‘lovlar qabul qilindi, shu bilan birga, ular tomonidan dam olish kunlari ham to‘lovlar qabul qilinishi yo‘lga qo‘yilgan.
Bulardan tashqari, bankning barcha filiallarida Markaziy bankning markazlashgan “MUNIS” to‘lov tizimi orqali aholining iste’mol qilgan elektr energiyasi hamda tabiiy gaz uchun to‘lovlarini, aholiga uyali aloqa xizmatlari ham aholining soliq va boshqa majburiy to‘lovlarini “On-line” tarzida qabul qilish ishlari yo‘lga qo‘yilib, hisobot davrida 43,0 mlrd. so‘mlik to‘lovlar qabul qilindi, shundan 14,3 mlrd. so‘mi mart oyiga to‘g‘ri keldi.
Aholi omonatlari qoldig‘ini yil boshiga nisbatan 30 foizga oshirish prognozi ijrosini ta’minlash maqsadida aholi bo‘sh pul mablag‘larini bank kassalariga jalb etish xajmini yanada oshirish yuzasidan 21 turdagi jozibador hamda aholi uchun qulay omonatlar mavjud bo‘lib, shundan 19 ta turda milliy valyutada va 2 ta turda chet el valyutasida omonatlar qabul qilinmoqda.
Shu jumladan, bank Boshqaruvi tomonidan tizimda “Tejamkor” va “Saxovot” va boshqa bir qator yangi jozibali muddatli va jamg‘arma omonat turlari joriy qilindi.
“Xalq bilan muloqot va inson manfatlari” yili munosabati bilan “Manfat”va “Madadkor” nomli yangi omonat turlari joriy qilindi. Olib borilgan ishlar natijasida, 2017 yilning 1 aprel holatiga aholi omonatlari qoldig‘i 268,5 mlrd.so‘mni tashkil etdi. Shundan, muddatli va jamg‘arma omonatlar miqdori yil boshiga nisbatan 8,6 mlrd.so‘mga oshirildi.
Huddi shuningdek, bank bo‘yicha jami chiqimlar miqdori 992 mln.so‘mni tashkil etib, shundan 678 mln.so‘mi yoki 68,4 foizi birinchi darajali to‘lovlarga yo‘naltirildi. Shu bilan birgalikda, hisobot davrida Markaziy bankning zahira fondiga 44,0 mlrd. so‘m naqd pul mablag‘lari jo‘natildi.
O‘zbekiston Respublikasi Prezidentining 2017 yil 2 fevraldagi “Ish haqi, pensiya, nafaqa va stipendiyalarni to‘lash mexanizmlarini takomillashtirish bo‘yicha qo‘shimcha chora-tadbirlari to‘g‘risida”gi PQ-2753-sonli Qarori ijrosi yuzasidan, pensiya to‘lovlarining barcha turlari bo‘yicha to‘lovlari, olis va tog‘li tumanlardagi byudjet tashkilotlarining ish haqlari va ijtimoiy to‘lovlari, oliy o‘quv muassasalari talabalari stipendiyalarining kamida 50 foizini naqd pulda to‘lanishi bo‘yicha ko‘rsatilgan bo‘lib, ushbu to‘lovlarni o‘z vaqtida to‘lash maqsadida, o‘tgan I-chorak davomida naqd pulda 284,3 mlrd. so‘m to‘langan bo‘lib, shundan 188,3 mlrd. so‘mi yoki 66,2 foizi Markaziy bankdan olingan madad pullar va qolgan qismi mijozlar tomonidan topshirilgan naqd pullar hisobidan yopilgan.

"Mikrоkrеditbаnk” аksiyadоrlik-tijоrаt bаnkining
2017 yil 1 iyun holatiga asosiy iqtisodiy ko'rsatkichlari

Ma'lumotni yuklab olish.(doc, 172 KB)

O`zgartirilgan sana: 15.06.2017y.