BOSHQARUV RAISI MUROJAATI

Nashr uchun talqin

Hurmatli aksiyadorlar, tadbirkorlar va hamkorlar!

        Mamlakatimizda davom etayotgan tub iqtisodiy-ijtimoiy oʼzgarishlar va bank tizimida olib borilayotgan islohotlar 2019 yilda ham izchil davom ettirildi.

       Bugungi kunda respublikamizning barcha mintaqalaridagi bankning 71 ta filiali, 25 ta bank xizmatlari markazi va 55 ta mini-banklari tomonidan 500 mingdan ortiq aholi hamda tadbirkorlik subyektlariga bank xizmatlaridan foydalanish imkoniyati taʼminlanmoqda.

         Oʼzbekiston Respublikasi Prezidentining 2018-yil 4-maydagi “Oʼzbekiston Respublikasi aktsiyadorlik tijorat Xalq banki va “Mikrokreditbank” aktsiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari toʼgʼrisida”gi PQ-3694-sonli Qaroriga muvofiq, 2018-2019-yillarda bank ustav kapitalini respublika byudjeti mablagʼlari hisobidan 600 mlrd soʼmga oshirish belgilangan. Shundan 100 mlrd soʼmi 2018-yilda va 350 mlrd soʼmi 2019-yil davomida bankning ustav kapitaliga yoʼnaltirildi.

2019-yilda bank faoliyatini yanada isloh qilish va barqarorligini oshirish, investitsion faoliyatini kuchaytirish va xalqaro tashkilotlar bilan hamkorlikni rivojlantirish, yetakchi xalqaro reyting kompaniyalari tomonidan qabul qilingan xalqaro meʼyorlar, mezonlar va standartlarga asoslangan holda bank tizimini baholash koʼrsatkichlarining zamonaviy tizimini joriy etish maqsadlarida:

Bank korporativ boshqaruvini takomillashtirish yoʼnalishida ISO:9001 sifat standarti talablari darajasida tegishli tashkilotlar bilan hamkorlikda ishlar tashkil etilib, xalqaro muvofiqlik sertifikati olindi.

Bank tomonidan erishilayotgan ijobiy natijalar hamda barqaror oʼsish surʼatlari xalqaro va milliy reyting agentliklari tomonidan yuksak baholanib, eʼtirof etildi. Jumladan, “Fitch-Ratings” xalqaro reyting agentligi tomonidan bank reytingi 2019 yil yanvar oyida «V+» darajadan «BB-» ijobiy darajasiga koʼtarildi va “Barqaror” sifatida baholandi.

Jahon banklari ilg'or tajribasini bank tizimida joriy qilish maqsadida 2019 yilning o'tgan davrida bank Boshqaruvi delegatsiya a'zolari Rossiya, Armaniston Germaniya va Vengriya davlatlariga tashrif buyurishdi.

Bundan tashqari, bank tomonidan, investitsion loyihalarni moliyalashtirish yo’nalishida xalqaro moliya institutlari va banklardan jalb qilingan mablag’larni o’zlashtirish alohida e’tibor qaratildi. Xususan:

- Saudiya Arabistonining Xususiy sektorini rivojlantirish Islom korporatsiyasining moliyalash liniyasi orqali 17 ta mijozga 12,0 mln.AQSh dollari;

 - Qishloq xo'jaligini rivojlantirish xalqaro fondi I-bosqich (IFAD)ning “O'zbekiston Respublikasida meva-sabzavotchilik tarmog'ini rivojlantirishni qo'llab quvvatlash” kredit liniyasi orqali 12 ta mijozga 2,0 mln.AQSh dollar hamda 117 ta mijozga 9,43 mlrd.so'm;

 - Qishloq xo'jaligini rivojlantirish xalqaro fondi (IFAD)ning “O'zbekistonda sutni qayta ishlash tarmog'ida qo'shilgan qiymat tizimini rivojlantirish” kredit liniyasi orqali Qashqadaryo va Jizzax viloyatlarida sutni qayta ishlash bilan bog'liq loyihalarni moliyalashtirish uchun 48 ta mijozlga 3,3 mln. AQSh dollari;

- Tashqi iqtisodiy faoliyati Milliy banki orqali Xitoy davlati “Eksimbank” kredit liniyasi orqali 7 ta mijozga 10,0 mln.AQSh dollari;

- Moliya vazirligidan olingan Yevrobondlar hisobidan 25 ta investitsion loyihalarga jami 15,0 mln AQSh dollari;

- Rossiyaning “ ” bank kredit liniyasi hisobidan 2,0 mln.AQSh dollari kreditlar ajratildi.

Bankning moliyaviy barqarorligini va daromadliligini oshirish borasida qatʼiy nazorat oʼrnatilgan boʼlib, bank aktivlari yil davomida 1 972,0 mlrd.soʼmga yoki 60 foizga oshirilib 4 980 mlrd.soʼmga, shundan kredit qoʼyilmasi 1 398,8 mlrd.soʼmga yoki 63 foizga oshirilib 3 841 mlrd. soʼmga yetkazildi.

Shuningdek, bank 2019 yil davomida muhtaram Prezidentimiz tashabbusi bilan aholini tadbirkorlikka keng jalb qilish yoʼnalishida ishlab chiqilgan dasturlar ijrosida eng faol ishtirokchilardan biri boʼldi va 40 929 ta mijozga 814 mlrd.so’m miqdorida imtiyozli kreditlar ajratildi. Xususan, bu borada quyidagi natijalarni alohida qayd etish lozim:

• PF-5242-sonli “Hunarmandchilikni yanada rivojlantirish va hunarmandlarni har tomonlama qoʼllab-quvvatlash chora-tadbirlari toʼgʼrisida” Farmon ijrosi doirasida  2019 yil davomida 498 ta mijozga 17,1 mlrd.soʼm;

• PQ-3777-sonli "Har bir oila - tadbirkor" dasturini amalga oshirish to'g'risida”gi Qaroriga muvofiq 35 968 ta mijozga 606 mlrd. so'm;

• PQ-3856-sonli “Aholi bandligini ta'minlash borasidagi ishlarni takomillashtirish va samaradorligini oshirish chora-tadbirlari to'g'risida”gi Qaroriga muvofiq 644 ta mijozga 16 mlrd. so'm;

• PQ-3680-sonli “Fermer, dehqon xo'jaliklari va tomorqa yer egalari faoliyatini takomillashtirish bo'yicha qo'shimcha chora-tadbirlar to'g'risida”gi Qaroriga muvofiq 787 ta mijozga 15 mlrd. so'm;

• “Yoshlar kelajagimiz” dasturi doirasida 303 ta mijozga 104 mlrd. so'm; kreditlar ajratildi;

Shuningdek, bank faoliyatini moliyaviy sogʼlomlashtirish, operatsion xarajatlarni qisqartirish hisobiga xizmat koʼrsatish geografiyasini kengaytirish borasida 2019 yilda 25 ta ixcham va kam xarajat talab qiluvchi “Bank xizmatlari markazlari” tashkil etildi. Ushbu amaliyotlar kelgusida ham davom ettirilishi koʼzda tutilgan boʼlib, bank filiallarni optimallashtirish orqali bank xizmatlari geografiyasini yanada kengaytirish bank oldida turgan ustuvor vazifalardan biri hisoblanadi.

Shu oʼrinda bankimizning barcha aktsiyadorlari, mijozlari va hamkorlarimizga bizga bildirilgan ishonchlari hamda bankning rivojlanishiga qoʼshayotgan ulkan hissalari uchun samimiy minnatdorchiligimizni izhor etamiz va kelajakda oʼzaro manfaatli hamkorligimiz yanada samarali boʼlishiga ishonamiz.

Bank Boshqaruv Raisi
 
14.01.2020 y. Toshkent sh.

 

Valyutalar kursi

26.02.2020 holatiga kora

Sotib olish Sotish OzR MB
USD 9510.00 9530.00 9526.28
EUR 10000.00 10700.00 10329.35
GBR 12000.00 12500.00 12430.87
JPY 85.00 90.00 85.38

Valyutalar konvertori

 

Jismoniy shaxslar bilan ishlash bo’limi:

Telefon: +998 71 2029999 (ichki 1158)

 

Bo’lim rahbari:

Ilashev Alijon

 

Jismoniy shaxslar uchun mobil ilova

 

 

Sorovnoma

Xodimning bank mahsulotlari to`g`risida bilimi yetarlimi?