BOSHQARUV RAISI MUROJAATI

Nashr uchun talqin

Hurmatli aksiyadorlar, tadbirkorlar va hamkorlar!


Bugun mamlaktimizning barqaror rivojlanish yo‘lida izchil ilgarilab borishini tahlil qilar ekanmiz, prinsipial muhim islohotlarni amalga oshirish bo‘yicha qat’iy qadamlar qo‘yilganiga guvohi bo‘ldik.

“Mikrokreditbank” aksiyadorlik-tijorat banki tomonidan Respublikamiz iqtisodiyoti va bank tizimida o‘tkazilayotgan islohotlarni amalga oshirilishida aktiv qatnashib, bankning aktivlar sifati, salmog‘i va daromadliligini yaxshilash, mijozlar va moliyaviy tashkilotlar bilan hamkorlik munosabatlarini yangi bosqichga ko‘tarish orqali bank faoliyatiga doir barcha ko‘rsatkichlarning barqaror o‘sishini ta’minlash, eng muhimi, mijozlarning bankka bo‘lgan ishonchini yanada mustahkamlash bankning yaqin kelajakdagi ustuvor maqsadlari sifatida belgilab olingan. Hukumatimiz tomonidan bank tizimi oldiga qo‘yilgan yangi ijtimoiy-iqtisodiy sohani rivojlantirishga qaratilgan vazifalarni bajarilishida bankimiz har tomonlama faol qatnashib kelmoqda.

O’tgan 2018 yilda O‘zbekiston Respublikasi Prezidenti tomonidan qabul qilingan:

-“O‘zbekiston Respublikasi Markaziy bankining faoliyatini tubdan takomillashtirish chora-tadbirlari to‘g‘risida” 2018 yil 9 yanvardagi PF-5296-sonli Farmoni;

-“Bank xizmatlari ommabopligini oshirish bo‘yicha qo‘shimcha chora-tadbirlari to‘g‘risida”gi 2018 yil 23 martdagi PQ-3620-sonli qarori;

-“O‘zbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari to‘g‘risida”gi 2018 yil 4 maydagi
PQ-3694-sonli qarorlari bank tizimida olib borilayotgan islohotlarning izchil davom ettirmoqda.

Bankimiz Respublikamizning eng chekka hududlarida yangi tadbirkorlik subyektlarini tashkil etish maqsadida hamda aholi keng qatlamlari, jumladan, kasb-hunar kolleji bitiruvchilar, ayollar, kam ta’minlangan oilalar, hunarmandlarga shaxsiy biznesini tashkil etish uchun boshlang‘ich mikrokreditlar ajratilib, keyinchalik ham ular talabiga ko‘ra mikromoliyaviy xizmatlar va tashkiliy ko‘maklar berib kelinmoqda.

Bankning ustuvor maqsad va vazifalari.

“Mikrokreditbank” aksiyadorlik-tijorat banki asosiy maqsad va vazifalari quyidagilardan iborat:
kichik biznes, kasanachilik, yakka tartibdagi va oilaviy tadbirkorlikni, shaxsiy tomorqa xo‘jaligini rivojlantirish asosida bandlikni ta’minlash uchun moliya resurslarini taqdim etish, aholining keng qatlamlariga, birinchi navbatda, qishloq joylarda mikromoliyalashtirish xizmatlaridan foydalanishning qulay imkoniyatlarini yaratish;
yangi korxonalar va ish joylarini barpo etishda birlamchi sarmoyani shakllantirish uchun maqsadli imtiyozli kreditlar ajratishni kengaytirish hisobiga kichik biznes va xususiy tadbirkorlikni ayniqsa qishloq joylarda jadal rivojlantirishga ko‘maklashish;
ayollar va yoshlar, shu jumladan kasb-hunar kollejlari bitiruvchilariga imtiyozli kreditlar berish orqali ularni tadbirkorlik faoliyatiga keng jalb etish uchun qo‘llab-quvvatlash;
oilaviy tadbirkorlikni, hunarmandchilik, xizmat ko‘rsatish va servis sohasini imtiyozli mikromoliyaviy manbalar bilan qo‘llab-quvvatlash;
xom-ashyo va materiallarni qayta ishlashni kengaytirish, tayyor mahsulot ishlab chiqarish va sotish, ichki bozorni mamlakatimizda ishlab chiqarilgan tovarlar bilan to‘ldirish, shuning asosida qo‘shimcha ish joylarini tashkil qilish, aholi daromadlarini oshirish maqsadida xom ashyo va materiallar xarid qilish uchun tadbirkorlik subyektlarining aylanma mablag‘larini to‘ldirish, faoliyatlarini kengaytirishga imtiyozli kredit mablag‘laridan foydalanish imkoniyatlarini ta’minlash;
Respublika hududlarini kompleks rivojlantirish, jumladan xududlarni ijtimoiy-iqtisodiy rivojlantirish, yengil sanoat, iqtisodiy nochor korxonalarni sog‘lomlashtirish, tadbirkor ayollarni va kasb-hunar kollejlari bitiruvchilarini moliyaviy qo‘llab-quvvatlash, oziq-ovqat mahsulotlari ishlab chiqarishni kengaytirish va ichki bozorni to‘ldirish hamda mahalliy nooziq-ovqat iste’mol tovarlari ishlab chiqarish kengaytirilishini rag‘batlantirish borasidagi dasturlarni moliyalashtirishga munosib hissa qo‘shish. Ayni paytda bank faoliyatini yanada kengaytirish, kapitalini oshirish, yangi ish o‘rinlari yaratishni qo‘llab-quvatlash maqsadida hukumatimiz tomonidan qarorlar qabul qilinishi kutilmoqda. Ushbu qaror bilan bankning aholini tadbirkorlikka yanada keng jalb qilish, kam ta’minlanganlarni qo‘llab-quvvatlash, shaxsiy yer uchastkalaridan samarali foydalangan xolda daromad manbaalarini oshirish, endigina shaxsiy biznesini yo‘lga qo‘yimoqchi bo‘lgan subyektlarga imtiyozli kreditlar berishni kengaytirish, bankning o‘z xizmatlarini zamon talablariga mosligini ta’minlash maqsadida joriy yil yakuniga qadar to‘liq raqamli bank xizmatlari ko‘rsatish tizimiga o‘tish rejalashtirilmoqda.

2019 yilning o’tgan 1 choragi davomida “Mikrokreditbank” ATB tomonidan kichik biznes va xususiy tadbirkorlik subyektlariga jami 334,2 mlrd. so‘mlik kreditlar ajratilgan bo‘lib, shundan 107,8 mlrd. so‘m miqdorida mikromoliyaviy xizmatlar ko‘rsatildi.

Bank ayollar tadbirkorligini har tomonlama qo‘llab-quvvatlash maqsadida
2019 yilning 1 choragi davomida 66,7 mlrd. so‘mlik imtiyozli kreditlar ajratildi. Shuningdek, oilaviy tadbirkorlik subyektlariga 8,6 mlrd. so‘mlik kredit mablag‘lari yo‘naltirildi va belgilab olingan vazifalar to‘liq amalga oshirildi.

O‘zbekiston Respublikasi Prezidentining 2017 yil 17 noyabrdagi “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi PF-5242-sonli farmoni ijrosini ta’minlash maqsadida, 2019 yil o’tgan 3 oy davomida 32 ta hunarmandlarga 1,1 mlrd. so‘m miqdorida kredit mablag‘lari ajratildi.

Bank respublikamiz aholisini yashash sharoitini yanada yaxshilash maqsadida xizmat ko‘rsatish va servis sohasini rivojlantirish uchun 225,4 mlrd. so‘m kredit ajratib, ushbu yo‘nalishda 3 900 dan ortiq ishchi o‘rni yaratildi, uzoq muddat foydalanishga mo‘ljallangan mahalliy uy-ro‘zg‘or buyumlariga bo‘lgan talablarini qondirishga 150,3 mlrd. so‘mlik iste’mol kreditlari ajratdi.

Xalqaro aloqalar va xamkorlik munosabatlari.

Bank tomonidan xorijiy kredit liniyalari orqali tadbirkorlikka moliyaviy ko‘maklashish, chet el banklari tajribasini o‘rganish ishlariga ham alohida e’tibor qaratildi, jumladan:
Xususiy sektorini rivojlantirish Islom korporatsiyasining moliyalash liniyasi. II-bosqich (Saudiya rabistoni)
Bank va Korporatsiya o’rtasidagi yaqin hamkorlik va o’zaro hamjixatlikni davom ettirish, Korporatsiya qarz mablag’larini bankka qo’shimcha jalb qilish, shuningdek ishlab chiqarish va xizmat ko’rsatish bo’yicha loyiha tashabbuskorlarining xorijiy valyuta mablag’lariga bo’lgan talablarini inobatga olib, Islom korporatsiyasining 12,0 mln. QSh dollari miqdoridagi mablag’larini jalb qilish bo’yicha 2017 yil 24 iyulda moliyalash kelishuvi imzolangan.
Qarz mablag’lar hisobidan 17 ta mijozlarga 12,0 mln. QSh dollari  miqdoridagi  mablag’lar ajratildi. Loyiha bank tomonidan to’liq
(shundan, 2018 yilda 16 ta loyihaga 11,4 mln.QSh dollar) o’zlashtirildi.
Qishloq xo’jaligini rivojlantirish xalqaro fondi (IFAD)ning “O’zbekistonda sutni qayta ishlash tarmog’ida qo’shilgan qiymat tizimini rivojlantirish” kredit liniyasi:
Qashqadaryo va Jizzax viloyatlarida sutni  qayta ishlash bilan bog’liq loyihalarni moliyalashtirish uchun 3,3 mln. QSh dollarni jalb qilish yuzasidan 2017 yil 19 aprelda  O’zbekiston Respublikasi Moliya vazirligi, Qishloq xo’jaligi korxonalarini tarkibiy qayta tuzish agentligi va “Mikrokreditbank” TB o’rtasida kelishuv shartnomasi imzolangan va to’liq o’zlashtirilgan.
Xususan, kredit liniyasi hisobidan 46 ta mijozlarning 3,3 mln. QSh dollari miqdorida mablag’lari (shundan, 2018 yilda 27 ta loyihaga
2,074 mln. QSh dollar va 2019 yil 1 aprel holatiga 14 ta loyihaga
674,5 ming QSh dollar) miqdorida mablag’lar ajratildi.
Tashqi iqtisodiy aloqlar Milliy banki orqali Xitoy davlati “Eksimbank” kredit liniyasi:
Kichik biznes va xususiy tadbirkorlik faoliyatini qo’llab quvvatlash maqsadi uchun kreditlar ajratish maqsadida 2019 yil 15 fevralda Tashqi iqtisodiy aloqlar Milliy banki orqali Xitoy davlati “Eksimbank” kredit liniyasining 10,0 mln. QSh dollari miqdoridagi mablag’larini jalb qilindi va to’liq o’zlashtirildi.
Jumladan, kredit liniyasi hisobidan 7 ta mijozlarga 9,64 mln. QSh dollari miqdorida mablag’lari ajratildi. Shuningdek, 1 ta loyiha bo’yicha 360,0 ming QSh dollari miqdoridagi mablag’lari mijozning import shartnoma shartlariga asosan uskunalar yetkazib berilgandan so’ng moliyalashtirilishi kutilmoqda.

Bank tizimini yanada isloh qilish va barqarorligini oshirish, ularning investitsion faoliyatini kuchaytirish, iqtisodiyotdagi uzoq muddatli kredit qo‘yilmalari ulushini yanada oshirish yetakchi xalqaro reyting kompaniyalari tomonidan qabul qilingan xalqaro me’yyorlar, mezonlar va standartlarga asoslangan xolda bank tizimini baholash ko‘rsatkichlarining zamonaviy tizimini joriy etish borasida amalga oshirilishi lozim bo‘lgan muhim vazifalar aniqlanib bu borada salmoqli ishlar amalga oshirilmoqda.

Bank tomonidan erishilayotgan ijobiy natijalar hamda barqaror o‘sish sur’atlari xalqaro va milliy reyting agentliklari tomonidan yuksak baholanib, e’tirof etib kelinmoqda. Jumladan, “Fitch-Ratings” xalqaro reyting agentligi tomonidan bankka joriy yilda “BB-” “Barqaror” reyting baholari berib kelinmoqda.

Bank Boshqaruv Raisi
 
01.05.2019 y. Toshkent sh.

 

Valyutalar kursi

24.05.2019 holatiga kora

Sotib olish Sotish OzR MB
USD 8440.00 8490.00 8460.92
EUR 8800.00 9600.00 9439.00
GBR 10600.00 11200.00 10760.60
JPY 73.00 78.00 76.87

Valyutalar konvertori

 

Jismoniy shaxslar bilan ishlash bo’limi:

Telefon: +998 71 2029999 (ichki 1158)

 

Bo’lim rahbari:

Ilashev Alijon

 

Sorovnoma

Qaysi bank xizmatlari sizni ko'proq qiziqtiradi?