Matbuot markazi

Mikrokreditbank aksiyadorlik-tijorat banki aksiyadorlarining diqqatiga!
15.12.2020

Mikrokreditbank aksiyadorlik-tijorat banki aksiyadorlarining diqqatiga!

HURMATLI AKSIYADORLAR!

“Mikrokreditbank” aksiyadorlik-tijorat banki Kuzatuv kengashi aksiyadorlarning navbatdan tashqari umumiy yig‘ilishi 2021 yil 5 yanvar kuni, soat 11:00 dan boshlab, Toshkent shahri, Lutfiy ko‘chasi, 14-uy manzilida joylashgan “Mikrokreditbank” ATB majlislar zalida o‘tkazilishini ma’lum qiladi.

Yig‘ilish kun tartibi:

1. “Mikrokreditbank” aksiyadorlik-tijorat banki Aksiyadorlarining navbatdan tashqari umumiy yig‘ilishi reglamentini tasdiqlash.

2. “Mikrokreditbank” aksiyadorlik-tijorat banki Boshqaruvi faoliyati samaradorligining asosiy ko‘rsatkichlarini (“KPI”ni) tasdiqlash.

“Mikrokreditbank” ATB Kuzatuv kengashining 2020 yil 14 dekabr kungi majlisi qaroriga asosan, aksiyadorlarning navbatdan tashqari umumiy yig‘ilishida ishtirok etish huquqiga ega bo‘lgan aksiyadorlar reyestri 2020 yil 29 dekabr kuni holatiga hamda umumiy yig‘ilish o‘tkazilishi haqida aksiyadorlarga xabar qilish uchun aksiyadorlar reyestri 2020 yil 14 dekabr kuni holatiga tuziladi.

Aksiyadorlarni ro‘yxatga olish 2021 yil 5 yanvar kuni soat 10:00 dan 10:50 gacha davom etadi.

Aksiyadorlar umumiy yig‘ilishda shaxsini tasdiqlovchi hujjat va yozma shaklda tuzilgan ishonchnoma asosida qatnashadi, yuridik shaxs nomidan berilgan ishonchnoma qonun hujjatlarda belgilangan tartibda, jismoniy shaxs nomidan berilgan ishonchnoma notarial tasdiqlangan bo‘lishi kerak.

Aksiyadorlarning umumiy yig‘ilishi videokonferens-aloqa tarzida o‘tkazilsa, bu haqda qo‘shimcha ma’lumot beriladi.

Yig‘ilish o‘tkazish bo‘yicha qo‘shimcha axborot, unda ko‘riladigan masalalarning hujjatlari bilan yuqoridagi manzilga va quyidagi telefon raqamlariga murojaat qilish hamda bankning korporativ veb-sayti (www.mikrokreditbank.uz) orqali tanishish mumkin.

Tel: 998 (71) 202-99-99 (1192)

Bank Kuzatuv kengashi

Hamma yangiliklar