Surxondaryo viloyati Muzrabot tumani hokimligi binosida tadbirkorlar va fuqarolarning murojaatlarini tinglash, ularning bandligini ta’minlash hamda kambag‘allikni qisqartirishga qaratilgan navbatdagi sayyor qabul o‘tkazildi.
Qabulda O‘zbekiston Respublikasi Markaziy banki raisi o‘rinbosari N.Ochilov, “Mikrokreditbank” ATB Boshqaruv raisi o‘rinbosari S.Melibayev, O‘zbekiston Respublikasi Markaziy bankining Surxondaryo viloyat bosh boshqarmasi boshlig‘i A.Yarov, Muzrabot tumani hokimi A.Mamatqulov hamda tegishli mutasaddilar ishtirok etdi.
50 nafardan ortiq tadbirkor va fuqarolar ishtirok etgan qabul jarayonida bank-moliya xizmatlari, kredit olish, tadbirkorlik faoliyatini kengaytirish va yangi loyihalarni amalga oshirish, moliyaviy ko‘makdan foydalanish, shuningdek, faoliyatida duch kelayotgan muammolar yuzasidan murojaatlar tinglandi.
Qabul davomida har bir murojaatga individual yondashilib, ayrim murojaatlar joyida hal etilgan bo‘lsa, qo‘shimcha vaqt talab etadigan masalalar tegishli tashkilotlarga yo‘naltirildi. Shuningdek, ko‘tarilgan masalalarni o‘rganish va amaliy yechim topish yuzasidan mas’ullarga zarur ko‘rsatmalar berildi.
MKBANK bunday sayyor qabullar aholi va tadbirkorlar uchun qulay sharoit yaratib, ularning tashabbuslarini qo‘llab-quvvatlashga xizmat qilishiga ishonadi.
Bank Axborot xizmati
Yana ko‘ring
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
