Oʻzbekistonda naqd pulsiz hisob-kitoblar va zamonaviy moliyaviy xizmatlarni rivojlantirish yoʻlida muhim qadam qoʻyildi. UZCARD milliy toʻlov tizimi oʻzining ilk milliy kredit kartalarini rasman muomalaga chiqardi.
UZCARD kredit kartasi loyihasini mamlakatimiz banklari orasida birinchi boʻlib Mikrokreditbank (MKBANK) amaliyotga joriy etdi.
2026-yil 25-iyundan boshlab UZCARD kredit kartasini Mikrokreditbankning barcha Bank xizmatlari markazlari va ofislarida rasmiylashtirish mumkin.
Kredit karta — bu bank tomonidan ajratilgan kredit limiti doirasida toʻlovlarni amalga oshirish imkonini beruvchi zamonaviy toʻlov vositasidir. U mijozlarga xaridlarni qulay rejalashtirish, kutilmagan xarajatlarni qoplash hamda kundalik toʻlovlarni qoʻshimcha moliyaviy imkoniyatlar bilan amalga oshirishga yordam beradi.
Oddiy mikroqarzdan farqli ravishda, kredit kartaning bir qator afzalliklari mavjud:
Qayta tiklanadigan kredit limiti – foydalanilgan mablagʻ qaytarilgandan soʻng kredit limiti qayta tiklanadi va undan yana foydalanish mumkin.
Qulay va keng qamrovli toʻlovlar – UZCARD infratuzilmasiga ulangan savdo va xizmat koʻrsatish nuqtalarida toʻlovlarni amalga oshirish imkoniyati mavjud.
Onlayn boshqaruv – kredit limiti, qarzdorlik va toʻlovlarni bankning mobil ilovasi orqali masofadan turib nazorat qilish va boshqarish mumkin.
MKBANKning UZCARD kredit kartasi mijozlarga zamonaviy, qulay va moslashuvchan moliyaviy yechimlardan foydalanish imkoniyatini taqdim etib, mamlakatda kredit mahsulotlari ekotizimini rivojlantirishga xizmat qiladi.
Bank Axborot xizmati
Yana ko‘ring
MUROJAATLAR ORTIDA INSON MANFAATLARI BOR
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
