Ижтимоий тармоқларда фуқаро Илҳом Баракаевнинг банк томонидан иш ҳақидан маблағлар асоссиз равишда ечиб олинаётгани ҳамда банкнинг собиқ ходимига оид мурожаати юзасидан хабарлар тарқалди.
Мазкур мурожаатда келтирилган ҳолатлар “Микрокредитбанк” АТБ мутахасислари томонидан ўрганиб чиқилди.
Таъкидлаш лозимки, мурожаатда келтирилган эътирозлар ўринли бўлиб, мижоз аризасига биноан 2026 йил 22 июлда тузилган далолатномага асосан банкнинг собиқ ходими кредит ажтаришда қоидаларни бузганлиги ўз исботини топган. Шундан сўнг, ушбу ҳолатга ҳуқуқий баҳо бериш учун тегишли ҳужжатлар ва маълумотлар 2026 йил 23 июлда вилоят прокуратурасига юборилган.
Банк томонидан масалага қонунчилик талаблари асосида холис ва ҳуқуқий баҳо берилиши учун барча зарур маълумотлар тақдим этилмоқда.
“Микрокредитбанк” АТБ тизимида фуқароларнинг мурожаатлари ва қонуний ҳуқуқ ҳамда манфаатларини таъминлаш масаласига алоҳида эътибор қаратади. Мазкур ҳолат бўйича ваколатли органлар томонидан ўтказилаётган ўрганиш якунлари асосида қонунчиликда белгиланган тартибда тегишли чоралар кўрилади.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
