Kredit mahsulotlari

Nashr uchun talqin

ISTE'MOL KREDITLARI

”Mikrokreditbank” aktsiyadorlik tijorat-banki tomonidan o‘z mijozlari va yurtimiz aholisiga qulayliklar yaratish maqsadida O‘zbekiston Respublikasi va chet davlat bo‘ylab sayyohlik qilish uchun iste’mol krediti joriy etildi.


Kredit oluvchi bankka quyidagi hujjatlarni taqdim etadi:
- pasport nusxasi;
- kredit oluvchining oxirgi 12 oy mobaynidagi daromadlari to‘g‘risida ma’lumotnoma;
- jismoniy shaxs kafilligi (kafilning pasporti nusxasi, oxirgi 12 oy mobaynidagi daromadlari to‘g‘risida ma’lumotnoma).


Kredit oluvchilarga kredit mablag‘lari ichki va tashqi turizmni rivojlantirish maqsadida avtobus, avia/temir yo‘l chiptalari sotib olish, sayyohlik xizmatini amalga oshirishdagi xizmat ko‘rsatish haqlari hamda turizmni tashkil etuvchi turfirmalar xizmati uchun ichki turizmni rivojlantirishga 18 oy muddatga amaldagi eng kam ish haqining 50 (ellik) barobarigacha, tashqi turizmni rivojlantirishga 24 oy muddatga amaldagi eng kam ish haqining 100 (bir yuz) barobarigacha ajratiladi.


Mikroqarz bo‘yicha kredit ajratish


Mikroqarz naqd yoki qarz oluvchining nomiga milliy valyutada ochilgan plastik kartasiga o‘tkazib berish orqali 36 oygacha bo‘lgan muddatga, eng kam ish haqining 100 baravari miqdoridan oshmaydigan summada ajratiladi.
Qarz oluvchi mikroqarz olish uchun bankning xizmat ko‘rsatuvchi filialiga quyidagi hujjatlarni taqdim etadi:
           ariza (mikroqarz buyurtmasi);
           qarz oluvchi pasporti (nusxasi olinib, asli qaytariladi);
           qarz oluvchining ish joyidan (hisob-kitob bo‘limi) oxirgi 12 oylik ish haqi to‘g‘risida yoki qonuniy
           daromadlarini tasdiqlovchi ma’lumotnoma;
           kredit ta’minoti turlaridan biri.

Jismoniy shaxslarga “MKB Mobile” ilovasi orqali overdraft kredit ajratish joriy etildi.

“Qarz oluvchi” “MKB Mobile” ilovasi orqali overdraft krediti olishda filialga kredit tegishli kredit hujjatlarini taqdim qilib 12 oy muddatga skoring tahlildagi belgilangan limit doirasidagi mablag‘ uchun kredit shartnomasi rasmiylashtiriladi.
Overdraft kredit shartnomasi imzolanib, kuchga kirgandan so‘ng “Qarz oluvchi” shaxsiy telefoni orqali “PLAY MARKET”dan “MKB Mobile” ilovasini yuklab oladi va “MKB Mobile” ilovasidan foydalanish uchun ro‘yxatdan o‘tadi hamda oferta shartnomasi shartlari bilan tanishib chiqib elektron tarzda tasdiqlaydi.
Bank tomonidan hujjatlar rasmiylashtirilgandan so‘ng mijozga “MKB Mobile” ilovasi orqali overdraft kredit liniyasi ochilganligi hamda ID raqami ko‘rsatilgan holda SMS xabarnoma jo‘natiladi.

      “Qarz oluvchi” tomonidan “MKB Mobile” ilovasidagi “TO‘LOVLAR” modulidan “Bank operatsiyalari” yo‘nalishi orqali “Overdraft kredit” xizmatiga o‘tiladi. SMS xabarnoma orqali jo‘natilgan ID raqami kiritiladi. Shundan so‘ng overdraft kredit shartnoma summasi avtomat tarzda paydo bo‘ladi. Qarz oluvchi kunning hohlagan paytida pul mablag‘iga bo‘lgan ehtiyojlarini plastik kartasi orqali ishlata oladi.
Marhamat, hozirning o‘zida Mikrokreditbankning viloyatlarda 86 ta filiallari mavjud bo‘lib, o‘zingizga qulay bo‘lgan filialga murojaat qilishingiz mumkin!
 
Iste'mol krediti

Iste'mol krediti 18 (o'n sakkiz) yoshga to'lgan va muomala layoqatiga ega, doimiy yashash joyida ro'yxatdan o'tgan, shuningdek o'z faoliyati natijasida olinadigan daromadlar, hamda boshqa qonuniy daromad manbalarga ega bo'lgan O'zbekiston Respublikasi fuqarolariga beriladi.
Iste'mol kreditlari O'zbekiston Respublikasida ishlab chiqarilgan iste'mol tovarlarini (xizmatlarni) ishlab chiqaruvchi korxona yoki tashkilotning bankdagi hisob-varag'iga pul mablag'lari o'tkazish yo'li bilan amalga oshiriladi.
1. Mebellar, oshxona jihozlari, tele-video apparaturalar, orgtexnikalar, sport anjomlari va boshqa uy-ro'zg'or buyumlarini xarid qilish uchun eng kam oylik ish haqining 150 barobarigacha 36 oy muddatga.
2. O'zbekiston Respublikasi hududida joylashgan dam olish maskanlarida dam olib davolanish uchun eng kam oylik ish haqining 40 barobarigacha 24 oy muddatga.
3. Avtomobillarga gaz ballonlari o'rnatish, ta'mirlash uchun ehtiyot qismlar sotib olish uchun eng kam oylik ish haqining 50 barobarigacha 24 oy muddatga.
4. Quyosh batareyalari sotib olish uchun eng kam oylik ish haqining 150 barobarigacha 24 oy muddatgacha.
5. To'y marosimlarini o'tkazish xarajatlari uchun eng kam oylik ish haqining 100 barobarigacha 36 oy muddatga.
6. Yashash sharoitini yaxshilash maqsadida turar joylarga temir darvoza, panjara, yog'och-alyumin eshik-romlar, santexnika jixozlari (uskunalari) hamda uy tomini yopish va ta'mirlash bilan bog'liq qurilish materiallari (shifer, tunuka, cheripitsa, yog'och va boshqalar) sotib olish uchun eng kam oylik ish haqining 100 barobarigacha 36 oy muddatga.
7. Uy xo'jaligida foydalanish maqsadida suv nasoslari, elektr generatorlari sotib olish uchun eng kam oylik ish haqining 30 barobarigacha 36 oy muddatga. (O'zbekiston Respublikasida ishlab chiqarilgan mahsulotlar).
8. Maxsus o'quv kurslarida (haydovchilik, hamshiralik, chevarchilik, til o'rganish va boshqalar) hamda safarbarlik chaqiruvi rezervi xizmati to'lovlariga eng kam oylik ish haqining 30 barobarigacha 12 oy muddatga (yillik 24 foiz asosida).

Bankka taqdim etiladigan hujjatlar:

  • Pasport asli ko'rsatilgan xolda nusxasi taqdim etiladi;
  • Ish joyidan daromad va mazkur tashkilotda qachondan buyon ishlayotganligi to'g'risida ma'lumotnoma; 
  • Oldi-sotdi shartnomasi; 
  • Soliq idorasidan INN; 
  • Qonunda belgilangan ta'minot turlaridan birini taqdim etishi kerak.

 


O`zgartirilgan sana: 11.11.2018y.

Valyutalar kursi

15.11.2018 holatiga kora

Sotib olish Sotish OzR MB
USD 8250.00 8320.00 8271.27
EUR 9000.00 9500.00 9374.66
GBR 10200.00 10800.00 0.00
JPY 68.50 73.00 72.67

Valyutalar konvertori