Бугун “Миллий матбуот маркази”да "Микрокредитбанк" АТБ томонидан олиб борилаётган трансформация жараёнлари" мавзусида матбуот анжумани ўтказилди.
Ушбу тадбирни “Микрокредитбанк” АТБ Бошқарув раисининг биринчи ўринбосари А.Хамидов очиб, банк томонидан олиб борилаётган трансформация жараёнлари тўғрисида маълумот берди.
Маълумки, юртимизда тадбиркорликни ривожлантириш, аҳоли бандлигини таъминлаш ҳамда ҳудудларни комплекс ижтимоий-иқтисодий ривожлантириш бўйича белгиланган вазифалар ижросини таъминлашда Микрокредитбанк ўзининг муносиб ҳиссасини қўшиб келмоқда.
Шу мақсадда халқаро “PriceWaterhouseCoopers” (PWS) консалтинг компанияси билан ҳамкорликда "Микрокредитбанк"нинг 2022-2025 йилларда ривожлантириш стратегияси” ва трансформация “Йўл харитаси”га мувофиқ 6 та устувор йўналишдаги 33 та лойиҳа амалга оширилмоқда.
Мижозлар учун қулай ва тезкор хизматлар кўрсатишни йўлга қўйиш мақсадида банк филиалларини ихчам банк хизматлари марказлари ва офисларига айлантириш ишлари олиб борилди. Ҳозирда ҳудудларда банкнинг 136 та хизмат кўрсатиш марказлари ва офислари ҳамда 437 та 24/7 шохобчалари орқали аҳолига узлуксиз банк хизматлари кўрсатилмоқда.
2023 йил 1 декабрь ҳолатига 1 млн. 470 минг та жисмоний шахсга ва 251 минг 532 та юридик шахсга, яъни жами 1 млн. 722 минг нафар мижозга хизмат кўрсатилмоқда.
Ўтган даврда 8 та лойиҳа "BIG4" халқаро консалтинг компаниялари билан амалга оширилди.
Жумладан, жорий йил якунига қадар “Ernst & Young” компанияси билан риск менежмент тизимини такомиллаштириш ишлари якунига етказилади.
Шунингдек, “Deloitte & Touche” компанияси билан Таваккалчиликка асосланган ички аудит, Коррупцияга қарши назорат, Ички назорат ва санкциявий комплаэнс тизимларини такомиллаштириш ишларини тугатиш мақсад қилинган.
Банкда KPI тизими жорий қилиниб, Бош офис ва филиал ходимларини индивидуал кўрсаткичлар асосида рағбатлантириш амалга оширилмоқда.
Жорий йилнинг апрель ойида мижозларга янги замонавий ва рақобатбардош МAVRID мобил иловаси тақдим этилди. Илова орқали 36 тадан ортиқ онлайн хизматлардан фойдаланиш мумкин бўлиб, бугунги кунда 418 мингдан зиёд мижозлар ундан фойдаланмоқда.
Банк Cалл – маркази замонавий дастур билан таъминланди. Soft collection кредитларни ундирув тизими йўлга қўйилди, кредит қарздорликларни ундириш бўйича автомат чиқувчи қўнғироқлар амалга ошириш IVR дастури жорий қилинди.
CRM, Skoring, BPM тизимлари амалиётга татбиқ қилинди.
Банкда андеррайтинг тизими жорий қилиниб, жисмоний шахсларга барча кредитлар скоринг тизими орқали ажратилмоқда. Юридик шахслар учун 24 турдаги модулли кредитлар жорий қилинди.
Банкнинг ихтиёрий Хизмат кўрсатиш марказларидан туриб ўз ҳисоб рақамларини эркин тасарруф этиш каби қатор қулайликлар яратиш мақсадида банк бўлинмалари «Ягона МФО» тизимига ўтказилди.
Тадбирда 2024 йилда банк томонидан амалга ошириладиган лойиҳалар ҳақида ҳам атрофлича маълумотлар берилди.
Жумладан, янги жорий қилинган мобил илованинг имкониятларини кенгайтириш, KPI тизимини автоматлаштириш, мижозлар эҳтиёжлари ва шикоятларини онлайн тарзда тўплаш, тезкор ва сифатли хизмат кўрсатиш учун ситуацион марказ ташкил қилиш, кредит конвейерини юридик шахслар учун тўлиқ жорий қилиш бўйича гапириб ўтилди.
Матбуот анжумани давомида “Микрокредитбанк” АТБ масъул ходимлари журналистлар томонидан берилган саволларга жавоб беришди.
Банк Ахборот хизмати
Яна кўринг
МУРОЖААТЛАР ОРТИДА ИНСОН МАНФААТЛАРИ БОР
Ромитан туманида тадбиркорлар билан очиқ мулоқот ўтказилди!
Музработда банк хизматлари ярмаркаси ташкил этилди
Шунингдек, ёшлар ва аҳоли вакилларининг саволларига мутахассислар томонидан батафсил жавоб берилиб, мавжуд имкониятлардан фойдаланиш тартиби юзасидан зарур тавсиялар берилди.
